18/04/2024
(215 utenti online)
Poesie Redazione 08 marzo 2017 14:58 Circa 4 minuti per leggerlo stampa
’O Pataterno me levaje ’a custata…
pe’ te putè’ crià’,
facènnome schiavo ’e te…
tutta ll’eternità.
Me rummanette ll’uocchie...
pe’ te putè’ guardà’,
sapenno ca sì’ bella…
e ca me faje ’ncantà’.
Me rummanette ’o core…
surtanto pe’ t’amà’,
pure si chistu core…
pe’ te se pò fermà’.
…E me lassaje ’sta vocca…
speruta ’e te vasà’,
ma tu, ’nu vaso sulo…
quanno m’ ’o faje custà’!
Ah, Pataterno mio,
che male ca me fa…
chella ca m’hê criato
Tu, tantu tiempo fa;
meglio ca ’sta custata
m’ ’a rummanive ccà…!
“E tu- dicette ’a femmena-
tu ..., che campave a ffa!?”.
Vincenzo Cerasuolo
RIPRODUZIONE RISERVATA © Copyright MARIGLIANO.net
Commenti